لكم وحشة
أجمل تحياتي لكم
هذي إحدى قصائدي أتمنى تعجب ذائقتكم الشعرية
يامستغل الغــــــــــلا فـي حـزة غيــــــابـي
وانا لوتغيــــــــــب قلبــــــــــي فيـك وصيتـه
يوم اعتـــــبرتك منايه واقــــــــــرب أحبابـي
الله يهنيـــــــــــك بـه مادامــــــــــك أغليـتـه
وانا لجل خاطــــــــــره لاتحسـب احسابـي
أوصيك حــــــــــــــــافظ علـى حبـه وتثبيتـه
دام الغــــــــــــــــــلا لعبـةٍ بيــــديـن لعـابـي
واذا غـــــــــــدر بك مثل غـــــدرك وجافيتـه
مصيــــــــرك تعرْف غــــــدرك كيـف سوابـي
مااقســـــــاك يا ضيـــــــــقـةٍ ذابـت بتنهيتـه
تسعى ورا الدمــــــــــع لين يبلـل اهدابـي
عزيز قوم وعصــــــــــــــــــي الدمـع هليتـه
حسبي على العشق يوم العشق غلابي
وشلون طاوعت قلبــــــــــــــي ليـن ذليتـه
وانا شموخـــــــــــي مكانـه راس مرقابـي
اخذتني عاشـق ٍيفـــــــــــــــرح ليـا جيتـه
مستقبلـك بابتســــــــــاماتـي وترحـابـي
ورميتني شاعر ٍيسهــــــــــــر علـى بيتـه
بين السهر والدواة وصفحــــة كتــــــــابـي
مدري وش اللي حصـــــل مني وسويته
والا القطــــــــاعة بطبعك مالهـا أسبابـي
نايم خفـــــــــوقي على الراحـة وصحيتـه
على صبــــــــــاح الفراق ورحلـة اتعابـي
الشـاهـــــــد الله فـراقــــــــــك ماتمنيـتـه
دايم احــــــــاتي غيابك واحرق اعصابـي
لاشك بـاب الثقـــــــــــــة بيديـك هزيتـه
وانا عن الغــــــــــدر دايم مغلـق أبوابـي