[مـ ع ـذور أح ـبك]

السلام عليكم ورحمة الله وبركاته


حبيت اشارك معكم بهالقصيده.. اتمنى ان ترتقي لذائقتكم

أكتب القيفان والمعنى دفين = بين سطر وبين سطرٍ يتبعه
واحتري وصلك متى وصلك يبين = لا غدى هجرك فصولي الاربعه
يامسافر بين شطئان الحنين = والمشاعر داعبتها الاشرعه
أرتكي صدري حبيبي كل حين = وارتشف دمعي ولاهو من سعه
عل شوقك لا تداركه الانين = ايتذكر كيف يشرب مدمعه
وعلك اللي كل مالدنيا تشين = قلت قلبي في ضلوعك مرتعه
واحتويني في حياتي ياضنين = احفظ الخفاق..والا رجّعه
الودايع ماتكون الا الثمين = يعني بين ضلوع صدرك ودّعه
حب جارف ماتغيره السنين = وقلب وافي ماعرف للاقنعه
لو احط احساس قلبي فاليدين = كفتك ترجح بهالكون اجمعه
وش بعد تبغي لجل تدرك يقين = ان ماغيرك تمنيت اشبعه
باختصر كل الحديث بكلمتين = >>>صوب صدري (هذا قلبك موضعه)

وسلامتكم



تحياتي