وانا مسافر كني والله مخاويك = حتى الغلا من طرت وياي سافر
ماكنك الا ماسك ايدي بيديك = يعني بصراحه . عنك ماقدر اهاجر
من طرت فوق السحب ماغاب طاريك = ونسيت خوف الطايره والمخاطر
خوفي عليك وكل همي احاتيك =اخاف في هالوقت يلحقك قاصر
من طرت افكر كيف برجع والاقيك = واشلون بصبر وأنتظر لين باكر
تدري بعد فكرت من قبل اخليك = اني اكنسل سفرتي والتذاكر
توني عرفت المر من بعد حاليك = واشلون اعيش العمر دونك واكابر
وياشين ليل ً مايوافق لياليك = ومن دون شوفك ماتزين المناظر
انا بغيابك في شعوري اداريك = واشلون لاشفتك تكون المشاعر
وانت تخبرني كل ما التقي فيك = من دون اوضح . وانت بالوضع خابر
لاضقت في دنياك همي اسليك = و ياما جبرت الضيق والوقت كاسر
وانا بزمان الشح من قلبي اعطيك = واكثر قلوب الوقت مثل المقابر
يعني بصراحه لا تفكر بخليك = باكر غلاك يرد و ياي طاير
وسلامت قلوبكم وصح السان شاعرها
الشاعر / خالد بن جبهان