السلام عليكم ورحمة الله وبركاته
تكررت عقب البطا وإلتقينا
من عقب مامرآ سنينن طويلات
بفي صدفتن فيها حشا مادرينا
ولاهقينا نلتقي عقب مافات
لاشك جابتنا الليالي وجينا
رغم الفراق ورغم ذيك المسافات
في موقفن بان التوتر علينا
لحظه تلين أبها القلوب القويات
قالت شلونك قلت ربك عوينا
الحمدلله عاضني عقب لوعات
الله رزقني في هنوف تبينا
أحيت خفوقن كان باعداد الاموات ..
هي نور عيني فرحتي والضنينا
إلقا بها عن ضيقه الصدر سجات
قالت سليت وقلت عقبك سلينا ..
لكن عقب مالاعنا الحب مرات
قالت شلون وقلت لاتسألينا
..مافات فات ولاتفيد الحسوفات
قالت تكلم قلت مهما حكينا
.. الدمع ماينفع عزيزآ إليا مات
قالت نسيت وقلت لامانسينا
لكن قناعه والقناعه من الذات
قالت أروح وقلت وش في يدينا
روحي عسي في كل خطوه سلامات
بصبر علي فرقاك مهما حينا
ولا تشوه صادق الحب زلات
قالت علي ماكنت دنيا ودينا
تكرم وتكرم عن دروب الرديات
قلت أسمحيلي قبل لاترحلينا
يم الديار إللي علينا بعيدات
تراي ذخرآ لاحدتك السنينا
اجيك مهما واجهتني صعوبات
تراي { أخوك } وغيرها مابغينا
كلي فداك أن صار بالوقت ميلات
وتبسمت بعجاب مدري حنينا
و تهشمت قدام عيني بعبرات
قالت فمان الله قلت أنتهينا
وقفت تكلم نفسها بس بسكات
وقفت تقديرآ لها ثم مشينا.
. دربن مشوه أهل القلوب العفيفات
أمشي وردد ليتنا مالتقينا
وش جابها عقب السنين الطويلات