يالله ياللي من ترجاك ماضاع
............ ياللي لك المعبود حتم الرجوعي
طالبك انا التوفيق في كل الاوضاع
............ وانا على المقسوم دايم قنوعي
راضي على المكتوب ماني بطماع
............ وقلبي على المحتاج ماهو قطوعي
وماني من اللي للردي دوم سماع
.............. اغضي عن الزلات وامدح ربوعي
وماني من اللي يبلج السن لاجاع
................ وليا شبع يصبح لهرجك جزوعي
كم واحدٍ لاجيت من مجلسه فاع
................ يعطيك مايملك ونفسه تجوعي
وكم واحدٍ ياخذ من المال بالصاع
................ ومن شوفة المحتاج قلبه يروعي
لوطرت يابن ادم مردك على القاع
................ لازم تذوق الموت عقب الطلوعي
وتمت وصلى الله على زين الاطباع
................... اللي له المعبود دايم شفوعي