السلام عليكم ورحمة الله وبركاته
انا البارحه ماطاب نومي من التفكير=لذيذ الكرى ماطب عيني ولاجاها
سبايب وليفٍ تلني تل دلو البير=يتل الضماير لاذكرته من اقصاها
تخالف على صدري همومي ضحى وعصير=وذا حال من جاته من همومه ارداها
انا صرت مثل اللي ليا خانه التعبير= يدوّر على الكلمه ولاهوب يلقاها
يقولون لايلحقك من عشرته تقصير=وانا اقول ذا العشره عسى الروح تفداها
انا في محبة صاحبي مانشدت مشير=على شان عذالي تدانا مناياها
يموت العذل ماشاف من موقفي تبرير=ولاجاته علوم المحبين واصداها
ألا ياعذولي لو على الصدر حمل بعير= فلا قزز عيوني ولا مره ابكاها
سلامي على دا رن سكنها وليفي غير=وعسى المزنه الغرّا تبله من مياها
انا دايمن صابر عسى الصبر ياتي بخير=ابي شوفة اللي عذّب الروح واشقاها
فإلى جيت أبرقد مايخليني التفكير=وذا حال من جاته من همومه ارداها
وسلامتكم واعذرونا على القصور