السلام عليكم ورحمة الله وبركاته
أعتذر عن الغياب
متواضعه لها مناسبة واتكلم عن نفسها
صلوا عـ النبي
القوم قفوا والمصايب مسايير = والموتر الوجعان في وسط كبرا
قد له ثلاث ايام مقطوع له سير = شيّب وأنا عيني من الدمع حمرا
عزي لمن مثلي دروبه معاسير = حظه تردابه والأيام قشرا
ياليتني في عصر ابو زيد والزير = واهمل الموتر واجي فوق صفرا
وانصى ديار اللي تضد الطوابير = اللي على الصاحب كما نبع نهرا
أنا ورفيقٍ لي على الشر والخير = واشدادنا حطه على عيز عفرا
حد المطيه دام ما عاد به طير = طير الفرح روّح مع ليل غدرا
في مجلسٍ فيه الدلال المباهيّر = وشبه وبراد وفناجيل شقرا
وسوالفٍ ما سولفوها الهوامير = اللي تباع بقرش وبقرش تشرى
مدهال قومٍ كـ الأسود الهزابير = كلن على طيبه نكّتب ونقرا
اتكرم الضيفان وتكعم العير = وتنوي على درب الشكاله بمسرى
لطامة العايل وايديهم سواطير = واللي يعاديهم لياليه غبرى
وازبن مثل زبن الشجاع ( المصارير ) = اللي بيديهم غاير الجرح يبرى
المرجله والطيب عسف المناعير = ومكاسب الشجعان وأبيات شعرا
هاذي طراة العمر مني بتقرير = واللي يبي الأمجاد يحتاج صبرا
لا يا ( حمد ) قلبي كوته السواعير = حوّل على ( الونان ) لاجيت حدرا
ربعٍ مع الصاحب كما جمة البير = تروي اللذي كنه ضما وسط صحرى
وعلى عداهم حد ذيك الشواطير = ليلٍ ظلم حالك ولا فيه قمرا
على دروب العز ساقوا مغاتير = وشيءٍ طرى واشياء ماهيب تطرى
سلم عليهم كلهم دون تقصير = وبلغ تحياتي على حرّ جمرا
وصلاة ربي عد ماهبت اعصير = على النبي الواحده مثل عشرا
وسلامة روسكم
ماجد المهنا