[أسطورة حزن]

شعور تجاهلني وعــــاد اليــــوم ..

آلمني ولكني افتقـــــدته .. !!

انتْ وينك؟؟
من زمان وقلبي ما عاش الحياه !!
انتْ وينك ؟؟
ما بقى غير احتراقي ..
وحرف عاند هالشفاه ..
ما أحس بغير غصه..
جرحت باقي التعب ..
كل تنهيده بصدري..
في نهايتها عتب ..
وكم سؤال ..
بس تعال ..
حس في عمق الجروح ..
بعدها..
غيّب وروح ..
خذها مني ..!
حسّها لو مرّه عني !
خل قلبك يحتمل قوة أذاه !!

إنتْ وينك؟؟

وين ذاك العشق اللي اقسمت عينك عليه
وين كفك يوم يحلف عمره ما يترك ايديني
ليه تخلف في وعودك ليه تخدعني وليه
تقتل النور بحياتي وتزرع الدمعه فعيني

ما أبي حاجه وربي ..
قلبي مكسور وكفاه ..
ولا طلبت انك تجيني ..
راجيه بيدك شفاه..
لا ولا ..
كل ما أطلبه منك !!

تجي في يوم مثل اليوم ..
وانا في كامل جروحي ..
يهدني من التعب نوحي ..

من أول ما المح عيونك ..
أجيك أركض ..
وكل عروقي لك تنبض..
واضمك حيـــــــــــــــل ..
إلين انسى ليالي ذقت فيها الويل ..
وأنطق آآآآآه ..
ولما اوصل لحزني ..
أبيك تحسه في قلبك ..
وابي اموت في قربك ..
وطول العمر هذا الحزن ..
ما تنســـــاه !!
ما تنســــاه !!

3/6/2005