[نايل الظفيري]

السلام عليكم ورحمة الله وبركاته

..


مبارك عليكم الشهر .. وكل عام وأنتم بخير ..

يسعدني إنضمامي لهذا المنتدى مع أخواني الشعراء .. وهذه أول مشاركه من قصائدي ..

لها شرف المرور ...

كل ما ضاق صدري إعتنقت الورق
كود نفسي تفضفض سد مكنونها



من هشيم المحبه صاب عيني أرق
يوم كـل الأوادم نامت عيونها



هيه ! يلي غرامك من حياتي سرق
أجمل أيام عمري ويبْست غصونها



شمس حلم السعاده نورها ما شرق
فيك حتى المآسي مختلف لونها



من جبين الليالي صبْ حزني عرق
طاح وكفوف همّي بلّت ردونها



مركب الشوق في بحر التجافي غرق
منْك وأرض المواصل طاحت حصونها



الغلا ( عود) من جمّر الفراق إحترق
لين ريح المشاعر فاحت شجونها



والجفا رمح من عقب الموالف زرق
طعنته ما يعيش الآدمي دونها



سيد البال باب البوح فيك إنطرق
مجدبات ٍ بصدري جرّت لحونها



شاعرك ضاع في دربه مع المفترق
مثل ما ضاع في ليلاه مجنونها



الله اللي جمعنا والله اللي فرق
شمّلنا والموده كثْرت طعونها



كان إسمي على سمع العرب ما مرق
مرّقته الجزاله يــوم يقــرونها



لاح نوض القصايد دام حرفي برق
بالسما والسحايب هلّت مزونها