.
الصمت .. صوت الصبّور .. ودمـع عينـه كـلام=والحلم نصف المحال .. وراس مـال الفقيـر
،.،
والجرح طرقي .. قلّط في وسط صدري ونام=لا شاقه البوح ... جالـه فـي ضلوعـي هديـر
،.،
هذا أنا ... من كثر مابـّي شجـون وهيـام .؟؟=أحـّس ما عاد فــ / صدور المشاعـر ضميـر .!!
،.،
يا صاحبي ... لو لمحـت فــ / طـرّف عينـي مـلام=مال المشاريه في خافـق نديمـك حصيـر
،.،
غيبه بـلا عـذر ... دقـّه فـي صميـم العظـام=وصدفه بليا وعّـد .. تسـوى فــ / عينـي كثيـر
،.،
أنت أنت ... مهمـا غلبّـك الوقـت والإنهـزام=تبقى لـي الفـّي .. لا طالـت يديـن الهجيـر
،.،
وأنت أنت .. لا هزّت الوحشه غصـون الغـرام=أسكبك قاف ... وتسيل فــ / عيـن شوقـي غديـر
،.،
لا صار حتـى جروحـي مـن غيابـك إحشـام=لـ / أن سالت الما .. ولـ / أن فاحـت .. تشـّم العبيـر
،.،
معذور لــ / إن غبّت .. لكـن لا يطـول الظـلام=فــ / عيون من هو يشوف النور .. دونك ضريـر
،.،
لك في حضورك مقام ... وفـي غيابـك مقـام=ولي في غيابك مصير ... وفي حضورك مصير
،.،
إقرا علي الهـوى ... وإختـم صكـوك الوئـام=وإنفض غبار الجفا .. من فوق متن الكسير
،.،
دامك قريب .. فــــ / أنا وضعـي علـى مـا يـرام=ودامي أحبّك .. فـــ / أنـا والله خفوقـي بخيـر
.