هنا قصيده لها سبب فقد كنا مجتمعين ونسولف وقام واحد من الشباب جزاه الله خير يتهجم على البدو من باب المزح والسوالف وكنت انا في موقف الدفاع وادافع عن البدو والبداوه في نقاش يغلب عليه طابع المزح وهنا القصيدة اتمنا أن تعجبكم :
يقول الضاعني قول الصحاحي = بنات الفكر قامت له تلاحي
الآ يابو فهد وشبك علينا = تهاجمنا وكنك في اجتياحي
ترانا البدو لامنا عطينا = عطينا ما نحسب للشحاحي
ترانا البدو لامنا زهمنا = يلوذ الي زبنا ما يباحي
ترانا البدو لامنا وردنا = على جمه شربناها قراجي
وغثربنا مشاريب(ن) عليها = ليا منا نطحنا بالصياحي
ترانا البدو لامنا غزينا = تعزوينا كما الموت المتاحي
ترانا لابدا العايل علينا = نوطيهم ولكن ما نزاحي
ترانا ما نقصر في وطنا = نذوده بالعمار وبالسلاحي
ترانا كلنا نفدا وطنا = حمينا البيت يوم الشر لاحي
وترا فينا رجال(ن) ما تناطح = بعلم وفهم وقلوب(ن) صحاحي
وترا فينا رجاجيل(ن) ثقيله = مواريها العفو ويا السماحي
وترا فينا خلاف الي ذكرته = ولكنه مع صلف الرياحي
الا يابوفهد منته بجاهل = مثل حر(ن) تعلا بالجناحي
ترا هذي رسالتنا موده = على مبدا الصداقه والمزاحي
أخوكم ابو سعد