اقتباس:
المشاركة الأصلية كتبت بواسطة نايل الظفيري
ياهلا وغلا باخوي خالد جفن
ياخوي خالد انت اكدت كلام خالد العجمي .. وهذا خطا .. يمكن يكون بحر القصيده هجيني طويل ولكني اجهل اسمه للأمانه لاني ما احب افتي في شي اجهله .
ولكن على حسب علمي ان الهجيني الطويل تفعيلته ( مستفعلن _فاعلن _مستفعلن_فعلن )
قد يكون للهجيني الطويل أكثر من تفعيله .. لا أعلم
وإذا تبي قصيده من قصائدي على نفس بحر قصيدتك ابشر يا خالد ..
زرعت من بذرة الأحساس فيني شعور
لين أعشب وحينها قطفت عذق الكلام
أبكتب اللي أحسه في خفوقي يثور
يمكن تهون المواجع والحمول الجسام
يا كثر ما شفت من وقت الغرابيل جور
عرضت نفسي على شانك لكثر الملام
الصدر (غصن ٍ ) تغني لك عليه الطيور
تعال وأسمع عليك شقال صوت الحمام
محتاج لك مثل ما تحتاج هاالارض نور
محتاج ( أحسّك ) معي لإني أعيش بظلام
أبيك لو هي على قربك تضيق الصدور
يا أول اللي ( معه ) عرفت معنى الغرام
علمتني الصبر لو ماني حليم وصبور
وعلمتني ( التضّحيه ) لو ما أطيق الخصام
لو هو صحيح ( بملذاته ) يفوز الجسور
ما كنت أخسّرك وأنا ما ذقت طعم إنهزام
ما أشوف (غيرك ) لو الدنيا متاع وغرور
يا كثر من مرّ فعيوني مرور الكرام
يقتلني اليآس وأحلام المواصل تبور
بس الأمل ينثر بصحّراي مزن الغمام
يا غايب اليوم من (فعل) أمس منت معذور
يوم إن طيفك سرقني من عيون المنام
كم لي وأنا أكتبك من إحساس صادق شعور
بيت ٍ بنيته ولا جابك عسى للهدام
|
والله ما ودي ارد بس علشان توضيح فقط لا غير
خالد بن جفن شاكر لك مرورك وتعليقك وتأييدك .
الشاعر نائل انت شهدت على نفسك بنفسك قلت بحر الهجيني الطويل مستفعلن _فاعلن _مستفعلن _فعلن هذا بحر البسيط وله ضروب ومعنى ضروب له كذا لحن يعني فعلن تجي فعلان او فاعلان او حتى فعولن في اخر الصدر او في اخر العجز من البيت يعني انت اول بيت عندك في قصيدتك هذا صدره
الْبَاْرِحَـهْ يُـوْمِ طَيْفَـكْ مَـرِّ قَدَّاْمِـيْ
البارحـه يومطـي فكمررقـد دامـي
مستفعلـن فاعلـن مستفعلـن فعلـن
لازم تنوزن قصيدتك كلها على الشطر هذا لانه مطلع القصيده والي هو الهجيني الطويل فأنت شهدت على نفسك بنفسك . ليه تلومني اجل وتقول اني ما اعرف الله يهديك .
وقصيدتك الي قلت نفس بحر قصيدة خالد والي هو الهجيني الطويل بس خالد لعب على صافي البحر في الشطر الثاني مستفعلن فاعلن مستفعلن فاعلان (يسمى اسباغ) وهو ضرب من ضروب الشعر وشرحته فوق لك والشطر الثاني على اصل بحر الهجيني الي يسمى بالفصيح البسيط وهو مستفعلن فاعلن مستفعلن فاعلن . ومشت قصيدته من اولها لاخرها على الطريقه هذي وفيه قصيده لفهد ابن عسكر المبدع
قل لاكحل العين تكفا يـا ابـو نـوره
من بادي الوقت وهذا طبـع الايامـي
الوقـت جبـار والأحيـاء مجبـوره
أقفت وهي ضاميه وأقفيت انا ضامي
الوصل مرفوع والحيـلات مجـروره
والبعد مجـزوم والتوديـع الزامـي
هذي هجيني طويل وخالد الفيصل كاتب عليه مستفعلـن فاعلـن مستفعلـن فعلـن
قصيدتك الي وضعت للمقارنه نفس بحر خالد بن جفن ليست نفس البحر ولا هي حوله من النظر فقط
ولك أن ترى الكلمات هذي تبين لك انه ليس نفس الوزن فقط من النظر .
زرعت, أبكتب , عرضت , تعال , أبيك , وعلمتني ,
اتمنى يا نائل تكون أستفدت . لا نريد الا شعر .