أنا من مبطي إمْعيّد .. وانْتم تنطرون العيد ..؟!
..............................أنا عيدي يجي وقته / لـَ شِفْت أغلى البشر قايم ..!
أقوم أتعطـّر وْ ألبس من الدولاب .. ثوب إجديد
..............................لأنّي كلْ ما شفتـه .. أحـسّ إنّ الفرح عااايـم ..!
ألا وش كثر ماحبّه ..؟ وَ كِنّ بْجوفي التنهيد
..............................على شانه أنا مغرم .. ومن شانه أنا هاااايـم ..!
ولو يحْبسْني بْسجنه ويصدر حكم بـ التأبيد :
..............................بوافق .. ليش ماوافق ..! ولا فَكّر بأيْ لااايـم ..!
وبشْغِل فِكْر محْكمْته .. بطالب دوم بالتمديد
..............................عشان أضمن لي الراحه / كراحة موتة الصايم ..!
عسى ربّي يطوّلـّي .. بعمـر إحْبيّبي ويزيد
..............................عسى ربّي يحَفْظـَه لي إهو صاحي .. وهو نايم ..!
أنا من مبطي إمعيّد وما تدرون وش ذالْعيد ..؟!!
.............................. أنا عيدي لـَ شِفْت أغلى البشر بخير وطيّبه دااايم