السلام عليكم ورحمة الله وبركاته
لقلوبكم الطاهره
لو كان بوحي مثابة رحّلتي والعبـور
الليل مرسى مراكب حزّنـي العابـره
شاعر وأسيّل قصيدي من سحابة شعور
يوم إن غيري قصيده كاسـره جابـره
أحلامي أموات لكـن الليالـي قبـور
عاش بكنفها طموحي وإنقطـع دابـره
كنّ الأماني بعيني مثل روض ٍ قفـور
إجتاحه اليآس فـي سيلـه وبمثابـره
الوقت تأبى رحاتـه لا تلـف وتـدور
والنفس ملّت من الضيقه وهي صابره
من غيبتك والدقايق في مقام الشهـور
من غيبتك أجمل ايـام العمـر غابـره
وين إنت ؟ يلّي غيابك يحتريه الحضور
ما عاد باقي لـك الله جـرح وآكابـره
تعال وأشعل ظلامي من جبينك بنـور
أبيك ترجع هذاك اللـي أنـا خابـره