أموت واعرف عن شعورن جمعنـا
وشلون يتبدل كذا في ظرف ساع
وشلون ضاق بنا الفضا ماوسعنـا
تغيرت مع رمشة العين الأوضـاع
الحب حط لدنيـة الكـون معنـى
والشوق ينشد للمواصيل مربـاع
كل مابعدنا شوي للوصـل جعنـا
يازين لحظات التلاقـي والاشبـاع
"لبى التغلي والغنـج فـي دلعنـا"
ياكيف ابتحمل وذا فكرنا ضـاع
أحلـى كـلام مرنـا واستمعنـا
طرّاه قلبن عقب غيبتـك ملتـاع
تكفى طلبتـك لا تعانـد وطعنـا
ماهوب لعبه كل ماضقت (الوداع)
تبي أذكّـر خافقـك عـن ولعنـا
حبن على وضح النقا ماهو خـداع
كفة غلانا راجحـه فـي وضعنـا
كفة زعلنا ماتجي شيء فالقـاع!!
حكّم ضميرن شاهدن دوم معنـا
واشتر خفوقن لو حصل ويش ماباع
ليه التجافي من عقـب ماجتمعنـا
ليه نتفارق دون مايكـون لـه داع
لم استطع اقتباس بيت معين لان القصيده باكملها تحتوي على درر
من الصعب ان انتقي دره معينه بهاااا
لذلك ربما اكون قد بالغت بنظر بعض الاشخاص
ولكن لا ابالغ ان قلت القصيده باختصار قمه على قمه 
يسلمووو يالبوووح تحياتي ،،،