??أرحب تراحيب المطر يابن الأجواد
مادام هاجوس الشعر ماعصاني
يبرك بعير الشعر ويقوم منقاد
ولاتثقل أبيوت الشعر في لساني
فكري جنوبي والعرب تحمل أحقاد
وصدري شمالي بين عوج المحاني
أدمح خطا جاهل لجل عين وبلاد
وراقب إلي فاتني من زماني
يالله ياعالم خفى أمه الضاد
تعز شأن مكبرين المباني
إلي لهم في صفحه الطيب ميلاد
وفعالهم كنها سهيل اليماني
ومادامه جنون الهوى مس لوتاد
فسلم وسلملي على من بلاني
ياصاحبي مادامت علومك أجداد
ورسلتها وأنا نظمت المعاني
هاك استلم والجرح مايبغي أضماد
والعلم الأول مايبي علم ثاني
ياما خذانا العشق من وادي الواد
وياما صدم قلبي وياما كواني
وياما زرعنا ورد والغير حصاد
وياما بنينا حلمنا في ثواني
وياما طلبنا الحظ والحظ ماجاد
وراح العمر مابين مجني وجاني
هذي الحقيقه وأنت ماتبغي أرشاد
هاك استلم وقرى ملخص بياني.