???????انا زعلان منك حيل وشايل لك بقلبي عتـاب
واتـمـنـى تحملنـي مثل ما اتـحمل عـتـابــك
ترى بعض الصراحة جرح وثقل ونرفزه واعصاب
ابي تسمع كلامـي زيـن وتـمسك زيـن اعصابـك
تعاهـدنا انا وانـته على إنــا نـكــون احـبــاب
واحبابك هـم احبابـي واحبابي هـــم احـبـابـك
وش الـي غـيـرك فجأه تكلـم واذكـر الأسـبـاب
انا بسمع كـلامك زيـن وبسـمـع زيــن اسبـابـك
رغم كل الخطاء منك فوجهك ما قفلـت الـبـاب
ويـوم اخطيت فـي حقك قفلت فوجهي ابـوابـك
رخصت الغالي لعيونك حنيت لخاطـرك ارقـاب
رضـيــت احنـيـهـا ارقابـي ولا تحنـيها ارقابـك
كفايه تمتحني هـم وخـل مـن ذم فيـنـي وعــاب
ترى من عاب في غيـرك ولـو طـال الزمن عابك
ولا تفكر في يـوم انسـاك او يشغلني عنك غيـاب
انــا اتنفـسـك اهــواك وفـيــك امـوت واحـيـابـك
انـا مـا شـوف احـد غيـرك جميل بفـتنـتـه جـذاب
انـا إعجـابـي فيـك اعمى يفوق اعجـاب اعجابـك
انـا مهما قـسى قلبـي بكلـمه منـك احسـه ذاب
انا من زود عشقـي لك عشقت العطر في ثيابك
انـا ياليت مـغرم فيـك انا كـلي فغـرامـك شــاب
احـسـك جـزء مـن روحـي ولا اتـحمل غـيـابـك
ولا قد طاب لي جرحك ولـو جرحي لذاتـك طـاب
عجـزت اقدر اشـوف الدمع بـل اطـراف اهدابك
ولـكن كــل شــي إلا جــزاة الـصــد بالـتـرحـاب
إذا صـديـت تـرحابـي تــرى بــاصــد تـرحـابــك
ولانـي مرتـضي ذلـي ولـو كـان الهـواء غــلاب
إذا ماكـان تـرضا بـي حـشاء لا يمكن ارضا بـك
ولانـي قادر اتحـمل عشـانك غـرست الأنـيـاب
انـا كـلي غـدى مـجـروح مـن غـرسات انيـابك
تجافيـني ولا همك ولا تحـسب لـي أي حـساب
وانا من زود عشقي لك اصونك واحسب حسابك
ألآ يا قـسوة الصدمه تجـيني منـك الأصـواب
وانا الي كنت اقول الجرح إذا ما صابنـي صابك
أمانـه قـول وش بـقـيّـت للـعـذال والأغـــراب
اذا هــذا مـعـي طبـعـك اجل وش حال اغرابك
تمرد كـان يحلـى لك تعيـب فطيبـتـي وتغـتاب
ولكـنـي تـراي اكـبـر مــن انــي يــوم اغـتابك
حقيقه اكتشـفت انك سخيـف بطبعك الكـذاب
وانـي كنت لـك لعـبة سخيـفه تـشـبه العابك
انا عيبي غبي طيب وضني فيك والله خـاب
ولا قـد كنت اتوقـع تـجافـي يـوم اصحابك
انا جيتك بطيب الطيب وفيك الطيب ابد ما جاب
ابـي تعذرنـي ها القسوة لأن الطيـب ما جابك