السلام عليكم ورحمة الله وبركاته
الصبر سلاح المسلم
مما راق لي للشاعر سعيد الغامدي
قمة الصبر تسكت وانت قلبـك جريـح=ونبض جرحك يقول اللي تبي من كـلام
واخر الجرح دمعه فوق وجـه سميـح=تكتب اخر عباره من فصـول المـلام
حد شفـرة ملامـك للبشـر يـا ذبيـح=لكن احذر تميط عـن الوجيـه اللثـام
لو جرحهم سكوتك فانت فعـلا فصيـح=ولو كشفهم ملامك فانـت ماشـي تمـام
لا بليـت بفصاحـه فانتبـه لا تصيـح=ولو خسرت الصداقه فاكسب الاحتـرام
لغير صدرك بسـرك لا تحـاول تبيـح=وان تجاوز ضلوعك ما بقى لـه ذمـام
ينتشر بالصدور ويذهـب ادراج ريـح=ومن كشف ستر صدره ذاق كاس الحمام
وان طٌلب منك راي فخل رايك صريـح=كـل راي يجمِّـل فيـه رفعـة مقـام
وخل وجهك مهلـي بالزمـان الشحيـح=ينتقـل ذكـرك الطيـب لكـل الانـام
ولا تجاري جويهل فـي كلامـه قبيـح=وخاو من لا بليت يـرد عنـك السهـام
صاحبٍ لا نخيته جـاء بهبـات ريـح=بادلـه بالجميـل وبــادره بالـسـلام
ما على الارض في هذا الزمن مستريح=دام هالنـاس تهـوى الغـدر والانتقـام
ولا يزال الامـل يفتـح مجـالٍ فسيـح=ولا يزال الهوى للنفـس الـد الخصـام
وينهض الحق والباطل بطبعـه يطيـح=لاحتكمنـا لشـرع الله وديـن السـلام
وسلامتكم
اخوكم أحمد منصور العجمي
(احمدالله)