عين تشربك شوف وعين تضماك=لا ذبحني ضماك ولا رويتك
ان طلبت الغلا قلت الغلا جاك =وان سكنت الخفوق البيت بيتك
بين فرحت لقاك وهم فرقاك=لا تذكرت جرحك ولا نسيتك
قمت آخيلك هناك وهناك وهناك=وين ترحل بي النظره لقيتك
لو نثرت القصيد بدرب لاماك =ضاع صيت القصيد وذاع صيتك
ودع البرد كف(ن) ضم يمناك=صافح الود قلبي يوم جيتك
حي ذالشوف ماتنمل دنياك =شف سوات العيون اليالقيتك
ان تبسمت قلت الموعد شفاك=وان تمنّعت بانفاسي دعيتك
يارجى العمر لو حفّتك الاشواك=ليتك اول طريق الحب ليتك
