ياعرب راح العراق وراحت الفلوجه=والله ان الدور ماشي والعرب لاحاجه
شرنا من بوش الاول والصغير وفوجه=كل ماقلنا يزين الوضع زاد إحراجه
المريكي في بلاد العرب مكثر دوجه=علت(ن)فالجسم تصعب طبته وعلاجه
انصخرنا بالتخاذل للغلط وعلوجه=كل مسلم صار عار ووقفته منعاجه
كل مسلم يسرج حزامه ويسرج غوجه=وكل هم نحمله عند العظيم افراجه
مايفيد المسلم علومه وكثر هروجه=مامضى يكفي وباب الذل في مزلاجه
والله إنا مانشوف العز لين انبوجه =ولا نشوف النصر والاعصاب في ثلاجه
والله إنا علكت(ن) للتسليه معلوجه=مالنا تأثير لو إنا العدد..وافواجه
والله إنا بالعدد نملى الخلا وفجوجه=مير ذا وقت(ن) دموع العين لنا زعاجه
دام هم اليعربي شعره وشكل الزوجه=وأخر افلام التفاهه منتجه وإخراجه
وأخر اخبار الخلاوي والسبب بخروجه=كيف تاج العز والنوماس يحرم تاجه
كان واصلنا طريقتنا على هاالموجه=والله انه عيد بوش وفلت(ن) لحجاجه
صح لسانك أخوي تركي
أبيات جزلة تعبر عن الواقع المرير الذي نعيشه
الله يثبتهم ويفرج عنهم وينصرهم
لك تقديري
السؤدد