اقتباس:
المشاركة الأصلية كتبت بواسطة منصور اللغوي
.. اقصد .. لك دروس توضح العروض للمبتدئين و تفسر فيه .. ما اقصد دروس عالم عروضي .. عطني بعض قصايدك و بعض دروسك اللي كتبتها في العروض للمبتدئين حتى يقتنع اللي يمر على هالصفحة انك شاعر و ناقد .. وانا قصايدي موجودة في المنتدى وفي محرك البحث و دروسي موجودة و لي دورة عروض في منتدى آخر .. انتظر الإجابة على السؤال  |
ايه الحين فهمت
يعني تبيني ألمع نفسي وأهايط بمعنى آخر علشان الناس تقتنع فيني وتقول لا والله يعرف وأستاذ وعنده دروس وفاهم وله قصايد في محرك البحث السيد قوقل ...
الاخ منصور الشعر له ناسه وله متذوقينه وله ناس تعشقه ولها خبره وله مثقفينه وله مبدعينه ماهي كم كلمه تصف هنا وهناك والا يوتيوب وكم درس والا كم قصيده مسكوره او حتى لو موزونه بدون معنى وشاعريه ...
وانا ما قلت اني ناقد شعري ولا قلت اني شاعر ولا قلت اني افهم واحد والدليل قلت لك صلح لي خطاي دامك متعلم وتفهم انا عاشق للشعر فقط ومتذوق له واحب جميل الشعر واكره قبيحه
ولو ولو ولو كنت شاعر مثلا الله يبعد عنا الشر ماني بقايل لك قصيدي لانه الرد معروف مسبقا صح لسانك شاعر جميل بيض الله وجهك وانت يمكن ما قريت القصيده ولا تمعنت فيها .. فهمت القصد بارك الله فيك .. هدفي يوم انقد بعض الشباب هو لتميزهم والشخص اذا ما لقى في بداية مشواره الشعري من يرشده ويدله الطريق بيضيع في الشعر وهذا خطا ولعن الله من كتم علما في نفسه
فعلشان كذا ما ابغي لعنة ربي تصيبني فديتك ...
الحق ينقال ... تقدر تصلح لي صلح جزاك الله خير ... ولعلمك حتى لو تخصصي أدب وفي مجال الشعر ماني بقايل لك ...
تصبح على خير بس انت تدور السوالف ماتدور شعر ...