يا خادم البيتين ماجور ماجور
الله يجدد صحتك بالسلامه
كن السماء في هالمساء مابها نور
غطا شعاع النور ليل وعتامه
لو الوطن يبكي من الحزن معذور
ما للضلوع اللي تشهم ملامه
اي والله الخاطر من الحزن مكسور
ومن الحزن فاض الخفوق بكلامه
يا خادم البيتنين ماجور ماجور
الله يجدد صحتك بالسلامه
ان قال الله للمرض خير دكتور
وتقوم متعافي لعرش الزعامه
يا قايد الامه على الخير دستور
دستورك القرآن عدل وشهامه
شعبك بفضل الله من الخير مستور
ويعيش في عز ونعيم وكرامه
عدلك يكفي والنوايا لها دور
يا مبشر شعبه ورافع مقامه
يا ناقل الامه من الجهل للنور
يا قاتلَ روح الجهل بالصرامه
انت المحنك تنظر بخير منظور
وهم الوطن همك وجل اهتمامك
لا شنت ومعافى وطيب وماجور
والله يمدك بالرضا والسلامه
في هالمساء كن القمر حارب النور
مادري الوطن وشلون يهنا منامه
</B></I>