يانفسي أنا ذالليل قافيش قافيش~~
قافيش يانفسي وكله عشانش~
طرد المقفي مايفيدش وأنا أختش~~
خليه ما دامه تنكر وخانش~
عليش باللي مرفقن لش ويغليش~~
رفقت وفا ماهو يدور هوانش~
ولا شفتي اللي في زمانش يداريش~~
راعيه مدامه يدور حنانش~
واللي بدأ الصده ولا يلتفت فيش~~
مارده أبيعرف مقامش وشانش~
سيري بدربش مع رجال مداغيش~~
ثم بعتلي بش واثبتي في مكانش~
ولا تهزش كلمتن من معاديش~~
مدامني حاضر ودايم وزانش~
وان جاتش الزله من أقرب عوانيش~~
صبر ن جميل ولا يسولف لسانش~
لاتشتكين الوقت لو جار حتيش~~
ربي كفلش وعند ربي ضمانش~
واختامها جات القصيده توصيش~~
عل الوصايا تنفعش في زمانش~