السلام عليكم ورحمة الله وبركاته
يسعد لي اوقاتكم ..
الشوق وثنتينٍ لـ/ شوفه ملاهيـف !
وصورته واللّيـل وظنـون امخلوفـه
والحب لا فـاق لجميـع التواصيـف
والنوم لا قفّـا يخـاوي [ طيوفـه ] !
من بعد هذا كيف يا صاحبـي كيـف
تنشد تقول : النوم ما به مروفه .. ؟!
السمع ظامي ينخا صوتك بـ/ تشريف
تعال يا أغلى من يجي مـن ضيوفـه
غلاك فيني للمـلا ظاهـر ، وشيـف
عجزت اخبّي [ لهفةٍ ] لك شغوفـه !
تعال واجلس يـا الغـلا دون تكليـف
وانزع من اضلاعي خفوقي وشوفه !
تلقاك سايد بـه لحالـك بـ/ تكليـف
من الحبيب اللي يضمّـك بـ/ جوفـه
حبّك حبيبـي مـا تجيبـه تعاريـف
نايف بـ/ نوعه ، شامخاتٍ وصوفـه
لو ان حبّي قادك لوضـع تخريـف ؟
حبّك حبيبـي [ عاليـاتٍ كتوفـه ] !
الشعر ما يرغب بغيرك يجي ضيـف
وعسر القوافي من غـلاك امعسوفـه
محبّتك جتني علـى الـذوق والكيـف
لـو ان بعـدك قاسـيـاتٍ سيـوفـه
في غيبتك تقبل همومي بـ/ تكثيـف
والقلب يشكي حـزن بعـدك يلوفـه
ولو يطلب الخافق مروفه ، وتخفيـف
جتني على ما قيل : عكسٍ ظروفـه !
ليلي حزين بغيبتك ، مظلم ، مخيـف
حتى قمر دنيـاي معلـن خسوفـه !
والكون لامنّـه بغـا شـوي تلطيـف
ياخذ من آهاتي أغانـي امعزوفـه !
والورده اللي باهظه بـ/ التكاليـف ؟
راحت من ايديني ويديك مخطوفـه
يا ناس ؟ شفتوا لو تجور الصواديف ؟
عمري ، وروحي له ، ولا به كلوفـه
بعض الحقايـق ثابتـه دون تأليـف
ثنتين عندي واضحـه ، وامعروفـه :
اقسا فراق يكون [ فرقـا مواليـف ]
واعذب دقايق / ضمّة ايـدي كفوفـه
تحياتي
خآطري دآروه ..