السلااام علييكم
صبااح مسااء الخير والسرور للجميع...
للحـزن ساحـاتٍ بصـدري مثـل ساحـات القتـال = فيهـا الاصيـل مــن المـهـار تـعـوّد بخيالـهـا
ولا يطفـي حـر مابـي مـن حـرايـق وأشتـعـال = لا الدمـوع اللـي مـن عيـونـي يـهـل هلالـهـا
لازال فيـهـا دمعـتـيـنٍ لـلـفـراق ولاتـــزال = ذكـرى حبيبي كـل يــوم أحطّـهـا وأشتالـهـا
راحـت عسـى الله مايلحقنـي مشاريـه الـرجـال = تقـول كنّـي ماخلـقـت مــن الـتـراب الا لـهـا
عـزّ الله أنّـي مانسيـت أفعالهـا بـنـت الـحـلال = لـعـل ربــي مايجازيـهـا بـســوء أفعـالـهـا
أكبـر جريمـة ترتكبهـا فالهـوى مـن وسـع بـال = هــذي ضحايـاهـا بقلـبـي شـيـدوا تمثـالـهـا
كيف تهجرني وأنـا مالـي علـى الهجـر أحتمـال = وشلـون تهملنـي وأنـا مانيـب أطـيـق أهمالـهـا
وشلـون تقطعنـي بسيـف البعـد قطّـاع الـوصـال = وأنـا لـو أقطـع عـرق قلبـي ماقطعـت أوصالهـا
وشـلــون ماتشتاق,,ماترحم,,ماتذكـر,,مـاتـسـال =وشـلـون ماتطـلـق يـديـنٍ كبـلـت بأغـلالـهـا
وشلـون مايـطـري عليـهـا لاتفـيـت فالـظـلال = متشـبـثٍ لاوقـفـت جنـبـه قـعـد بظـلالـهـا
مكسور خاطر والسؤال أعـوذ مـن ذل السـوال = يامـا أنتظـر مـن بـرج هاتفهـا يبـث أرسالـهـا
لكـنّ مـال الآدمـي حيلـه لامـن الـحـظ مــال = الميلـه اللـي فـال ربـي خيـر لـه مـن فالـهـا
هـي أفقدتنـي مـن هنـا .. وأنـا فقـدت الإتصـال = مــن يــوم راحــت لارسايلـهـا ولا جوالـهـا
ياقـسـوة الأيــام والـحـظ الــردي والاتـكـال = علـى مقولـة ( للمواقـف والـلـزوم رجالـهـا )
يالله دخيلـك مـن تردّايـة نصيـب وشـيـن فــال = مـن حيـرة أمـري ليـت عنـدي حيلـةٍ وأحتالهـا
أن أرخصت قدري وطاحـت قيمتـي والهجـر طـال = قولولـهـا تـتـرك مكابـرهـا وتـاخـذ بـالـهـا
أنا من اللي فوق .. فوق .. فوق و عال .. عال = تركـد ويركـد عمّـهـا معـهـا ويـركـد خالـهـا
لاوصـلـت للـحـد هــذا لانـقـاش ولاجــدال = تبـعـد وتنـكـف الامــور دقاقـهـا وجـلالـهـا
لو المفارق صعـب والنسيـان ضـرب مـن الخيـال = ارخـي راســي لايــروق الـهـا ولايحلالـهـا
أحفـظ لهـا قيمـة غلاهـا وأنتظرهـا مـن شمـال = وإذا نستـنـي هــذي الدنـيـا وهــذا حـالـهـا
أمّا أني أنساها .. نسـى الله مـن نسـى ذاك القبـال = ياااااصـبّ روحـي صـب دلتّهـا علـى فنجالـهـا
قولولهـا لاستخسـرت فيـنـي ريالـيـن أتـصـال = تهـدي علـى ( جمعيـة الصـم البكـم ) جوالـهـا
تحياااااااتي للجميع اخيييكم هاااااااااادي العجمي