[اموت واحيابك]

تدري وش اللي يتعب البنت ياهييه؟!
رجـلٍ يهيــن اشواقـهـا و الـمـودة
**
إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده
**
البنت ريحانة غـلا ... ناعمـة عـود
تبـي لهـا رجـلٍ ورث طيـب جــده
**
رجلٍ فعولـة كلهـا جـود فـي جـود
مـا يلتفـت للـي كفوفـه تمـدّه ...!!
**
رجـلٍ إلا جـتـه الليـالـي بمنـقـود
يتكـى لهـا مـا بيـح الوقـت سـدّه
**
مهوب خبلٍ مـا رعـى للهوى عهـود
وادنـاة مـا عـارض طريقـه يــردّه
**
ولاهوب لاعلّـة ... ولاهـوب ملهـود
ولا شكـوك ... و كـلٍ طـاري يحـده
**
ما اشين من الرجـال لا جـاك ببـرود
وإن قال له تـرف القـدم شـي صدّه
**
تبـي لهـا بـراق طيـبٍ لـه رعـود
إن اجدبـت يمطـر علـى ريـف خـّده
**
وإن نادته (تكفـى) لقـت عنـده الفـود
يشيـل عزّتهـا علـى قــوّ زنــده
**
كفّه نفل ... وانفاس صدره لهـا عـود
وظلاله الضافي بيدها تمـــدّه
**
البنت خدّ ... وقـدّ ... ونواظـرٍ سـود
وريحة غلا... يافلان مـن شـم نـدّه
**
واللي يهين البنت ناقـص ... ومقـرود
فرس غـلا ... ماهـي حمـارة مكـدّة

**