مفتـوح ومسـكـر مسـكـر ومفـتـوح=تشوف رقمي وكـن مانـت بتشوفـه
شبعان وشايف خير ماني بمشفوح=واللي يبي شوفي فانا احـب شوفـه
بـتـروح قــل بــروح واقـولـك روح=ولا عـلـى وجــه المقـفـي حسـوفـه
والا احساسي قد له سنين مجـروح=مــن سـيـدة كــل الـزيـان العـزوفـه
اللـي لهـا كـل الغـلا قــاع وسـفـوح=عند اسمها كل اسـم امـره واطوفـه
صدقي لهـا ولغيرهـا لعـب ومـزوح=والقلـب كـل اللـي يجونـه ضيـوفـه
ضيفٍ لامـن راح تبرالـه الـروح=وضيفٍ لامنـه راح جعلـه ذلوفـه
عاد انـت ياراعـي مسكـر ومفتـوح=مـاريــة الـكــذاب كــثــرة حـلـوفــه
!!