كثير من الناس تطالع كمالياتك عشان تحكم عليك ..
تركز على نوع موبايلك عشان تقيمك .. تركز على نوع نعالك عشان تعرف أنت وشو مستواك ؟
تطالع سيارتك وكم مرة تغيرها في السنة عشان تثبت لهم أنك منتب سهل ..
تسألك وين سافرت السنة ؟جنيف ولا كان ؟وعلى أي خطوط سافرت ؟ وكم صرفت في سفرتك ؟
وماهي نوع السيارة الي أستأجرتها هناك ؟وفي أي المطاعم المشهورة كنت تتنول وجباتك؟
ومع من الشخصيات المهمة تصادفت.....الخ
قصص مملة وغبية يحكيها لنا البعض .. أنا متأكد أن كثير من الناس يشترون سيارة فخمة بس لأجل
يكبرون في عيون الاخرين ويسوون المعجزات ويهلكون ميزانياتهم عشان
يتقيم صح ويدخل موسوعة الناس الvip من أوسع أبوابها ..
مابيروح كوفي ولابيستمتع بشرب القهوة الا لأن الاعب المشهور
فلان الفلاني من مرتادي هذا الكوفي .. فعلا ملينا من هالسوالف وملينا من هالأمور نريد النظرة تتغير
ونريد ننظر الى أنفسنا بعين الرضا وماننتظر الاخرين يرضون علينا .. 
كل الي يحكمنا مع الاخرين مكارم الأخلاق بأنواعها لو تمعنا فيها
لعرفنا قيمة أنفسنا بشكل أكبر .