في رحلـة الايـام ذقـت الغرابيـل=والحـزن والضيقـه ودمـع يشافـي
وللهم درب فـي رصيفـه بهـاذيـل=وثوب الغبينة يكتسـي بـه سنافـي
وقت على الاونـاس عـده محاحيـل=وكلن علـى ليـلاه طـاف الفيافـي
ناس على اليمـه ونـاس جهاهيـل=احد مريض القلـب واحـد متعافـي
والعمـر يجـري والمنايـا محابيـل=والادمي ماهو عـن المـوت خافـي
يوم الفنا يكتب على النـاس ترحيـل=في مركبه عطشت نفـوس ضعافـي
سيفه مضى فوق المتـون المثاقيـل=وشفنا علـى دربـه جمـوع تهافـي
راحت مساكيـن وراحـت مشاكيـل=والكـل منهـم مايـعـود خـلافـي
واعطيت نفسي عن هوا النفس والميل=بضعة خصال فـي طرفهـا عفافـي
حبـل المـودة والعلـوم المجازيـل=والركعـة المثلـى وصـوم المقافـي
زبدة سنيـن العمـر مافيـه تأويـل=هذا النصيـب اللـي عليـه الكفافـي
وحتيش لو تظلـم علينـا المقابيـل=قلبـي علـى ردع المظاليـم كافـي
بالديـن والطيبـه تشـع القنـاديـل=وتوضي على جهل ظلامه لجـى فـي
ولجل المشاعـر تنحنـي للمواويـل=وتطرب على العليا وجـزل القوافـي
ابدعت حرف في ضـروب التماثيـل=واسقيت من عذب المحيطـات قافـي
ماشاقنـي حـرف هزالـه مدالـيـل=غير الحروف اللـي نصلهـا رهافـي
تمضي على روس القضايـا معاديـل=عليـه حـل مشربكـات الخـلافـي
ماهو عـذر لقالـو النـاس بالليـل=للنوم سلطـه فـي عيـون اللحافـي
النـوم سلطـان القلـوب المهابيـل=والا الرجل نومه من الوقـت غافـي