اعتذر عن انقطاعي في الفتره السابقه وذالك لظروف اجبرتني على ذالك
هذه القصيده للتواصل معكم اتمنى ان ترقى الى ذائقتكم الشعريه
على نوض براق الحبايب سرت الاقدام = تحث المشي و انا تخاملت ممشاها
تحسب المسافه مارقه و المطر قدام = و انا عارف ان البعد عنوان مسراها
تلبي هواء قلبي و قلبي غدا عزام = لما شاف ديره قال يازين مرعاها
عذلته يهون لا يولي وراء لوهام = و كنه تضايق قال ما اعيش لو لاها
يحسب الثواني بعد فرقا الوليف اعوام = و ضاعت علينا حسبته كيف نلقاها
يسطر لي حروف و حكايا بدون ارقام = و انا يشهد الله ما فهمت ايش معناها
تضايقت منه قلت هذي غثاث احلام = و بعض السوالف كيف نجمع و نحصاها
يزور اليمن و الهند و يرد صوب الشام = ولا به ديار الا و رجلي توطاها
ذبحني و لاح الشيب فيني مع ليام = و توطيت نار العشق واعرف مناياها
يقول الصبر و العلم في صفحت الرسام = و لا عاد به غير السماء ما بعد جاها
و انا خايف يسوي كما الزير في همام = و ينسى السنين اللي مضت لأجل مرضاها
و يضحك علي الشامت و تظبط مع اللوام = لما طحت يتهنى مرابيع مبناها
و انا شاعرن ما أتحمل الناقد الهدام = لما قام يترصد على نفسي اخطاها
شربت المراجل عاد عمري حوالي عام = ورقيت الطويله قبل ما الذيب يرقاها
تعلمت من كثر الخطا حنكت العلام = وكسبت الرجال اللي على العز مبداها
صحيح الزمن قاسي وحظ الفتى ما قام = و لكن حيات العبد لا بد يهناها
اخوكم حسين كرعل الوايلي