[سلطان ال شريد]

السلام عليكم ورحمة الله وبركاته

تعبت اشل الدمع والجرح ماشيل=وتعبت اجر الصوت والناس نيام
راحت دموعي في عذابي وانا احيل=واجنبت من مبداي واشملت قدام
الله على وقتـ(ن) جروحه تماثيل= والله على ليلـ(ن) يسـآري له احلام
اشكي على جرحي ويشكي لي الليل=واون من دمعـ(ن) كوا موقي وشام
مالت بي الدمعات والوقت قد ميل=ونفسي تقيدها سبوقـ(ن) لها اعوام
احيان احس الحزن رسمـ(ن) وتمثيل=واحيان اقول الحزن موتي والاختام
حزنـ(ن) مع دمعـ(ن) بذله بهاذيل=كلها تشابه فالمعاني والاقلام
وياحوس قلبي حوسه البن والهيل=لامن تركد ثم زلته الاقلام
وياوجد حالي وجد من طاح من خيل=يبغي يعسفها مير ظهرها لها شام
ربعه غزو ثم ردو الطيب تجميل=وهو يتوجد من عنا الوقت له ضام
يبغي المعزه بس الاقدار تهويل=ماجات لبنادم على الكيف وحزام
ولله لو تصفا علي المشاكيل=ماعاد اعود في دروبي ياالاقلام