ربعك ذراك وفـي لزومـك تسايـرك
أليـا تـحـداك الـزمـان وتقـفـاك
وقفاتهـم تشفـي غليلـك وخاطـرك
لوكان بعـض الربـع يأبـوك يجفـاك
ادمح له الزلـه ولـو كـان يعسـرك
لابـد مـن يومـاً يضـده وينـصـاك
أليا نصـاك أدرك لزومـه واحـذرك
لاتجرح شعـوره أليـا جـاك بلغـاك
وأختر أصحيـبٍ فاهمـاً مايدهـورك
على الوفاء والعرف والطيب جـاراك
وأليا سمع طاريـك بالخيـر يذكـرك
راعي وفاء ماهـوب بالكـذب يدهـاك
شيـخٍ ولـد شيـخٍ بعرفـه يناصـرك
عايش على الامجاد مثلـك وشـرواك
ماهـوب نمامـاً يحـاول يطـمـرك
وينقـل كلامـك بيـن هـذا وهـذاك
أبعدعـن اللـي دائـمـاً مايعـبـرك
اللي يـاراك وكـن ماهـوب يـاراك
وأبعد عـن اللـي بالسوالـف يكبـرك
في حضرتك وان غبت بالهرج يشنـاك
لـو بالكـلام الزيـن دائـم يباشـرك
لو تطلبـه قرشيـن يأبـوك معطـاك
ولآكل من يضحـك بوجهـك يقـدرك
ولآكل من خاواك في الـدرب يبغـاك
يشهد على ماضيك يأبـوك حاضـرك
أليا حازت الطالـة والامجـاد يمنـاك