/
كل العيون اتطيـح مـن عينـي إلا أنـت
إليـا ذكرتـك هـزّنـي طــاري الـشـوق
وين أنت ياللي على المشاعر تسلطنت
واشغلتنـي عـن كــل كـائـن ومخـلـوق
من قبل أعرفك ماعرف وين انـا كنـت
ولا كنت أعرف ان الهوى قمّة العوق
[ محتـاج لـك لوتسمـح شـوي لاهـنـت
ملّيت المح لـك مـن الضيـق مخنـوق ]
ملّيـت أسولـف عـن تجافـيـك وايقـنـت
إن الـزمــن لاحـــس عـنــده ولا ذوق
رابـع سنـه مـرت وللحـيـن مــا بـنـت
لا ديمـتـك ديـمـه ولا بـروقـك بــروق
ضـاع العمـر ياللـي بروحـي تمكـنـت
وأحـنـا نــردد كــل مـطـرود ملـحـوق
إن كـــان ردّت للـمـراسـيـل هــونــت
لأن المراسـيـل إنتـهـت مالـهـا ســوق
وإن كــان ردت لـلأمـل خـيـر عيـنـت
إن أشهـد إنـي جيـت للقـاع مـن فــوق
الـبـارحـه لا زان حـظــي ولا زنـــت
كن الحزن طوّق علـى ناظـري طـوق
ويـن إنـت ياللـي فــي عـذابـي تفنـنـت
بهديـك بيـت مـا عـلـى غـيـرك يـلـوق
بهديـك بيـتٍ كــم سـنـه فـيـه هيجـنـت
بيـتٍ يسـاوي ألــف معـنـى وطــاروق
[ لـيـت الخـلايـق تنقـلـب كلـهـا إنــت
واصير اشوفك كل ماشفـت مخلـوق ]
/