[[ عسّاف خيل ]]

؛









( جعلهم فدوة ) تبسامة الوجه النزيه
ـــــــــــــــــــــــــــــــــــــــ اللي فيه عيون مغروره ومبسم غرو ,


وجه كنّه :- شيخ لوجيه حلوين الوجيه
ـــــــــــــــــــــــــــــــــــــــ يعلنون إله ( الولا ) لا ( تعشو وسمرو )


وجه بنتٍ لو يشوفه ( بليد ) أصبح نبيه ,
ـــــــــــــــــــــــــــــــــــــــ ولو يشوفونه كبار العشاشيق ( صغرو )


ولو تدوس برجلها وجه حيد أصبح جنيه ,
ـــــــــــــــــــــــــــــــــــــــ ولو تسولف مع يهود ( أسلمو وإستغفرو )


أعشق حكاها وأحفظه وأقوله وأشتهيه
ـــــــــــــــــــــــــــــــــــــــ شهوة اللي لا أشتهو شي لجله ( سافرو )


فارعٍ من شهر واحد وكل اللي يليه
ـــــــــــــــــــــــــــــــــــــــ وهي ما تنشد من ( خطاطيبها ) لو كثرو ,


راقده ( فـِ سويت قلبي ) بحب وتحتميه
ـــــــــــــــــــــــــــــــــــــــ كنها . سلسال فضه على جاعد فرو


ماخذتني من حياتي وأنا ماقلت ليه
ـــــــــــــــــــــــــــــــــــــــ وأنا ماخذها من اهلها ( وأهلها مادرو )