اتمنى تنال اعجابكم
لقيت ثنتيـن وحـدة مـوت باالمـرة=اماوحيـدة صراحـة مالهـا داعـي
يمشـن فاالسـوق والانظـار مفتـرة =للي عليها الجمال اشكـال وانواعـي
سلمـت ردت عليـه زينـت الغـرة=ردت باادب واحترام يقهـر الساعـي
ومديت يمنـاي للـي كنهـا صـرة=وتطاولت باالكلام وطقـت اذراعـي
مع شينهـا شينـة الاخـلاق مغتـرة=لوانهـا رعيـة ماضمهـا الراعـي
صحيح بعـض الاوادم يتقـى شـره=صده وفرقاه خيـر مـن التجماعـي
حاولت اسولف وادردش وابرد الحرة=واعرف وش السر بين الضلع والقاعي
سألنها قلـت هـذي قالـت الضـرة=خذها عليه بدون ارضـاي واقناعـي
قلت السبب قالت اهل المـال مستـرة=بنت العرب تاجرة والرجل طماعـي
والرزق من عند رب يـرزق الـذرة=ماهوب يشرى بوسط السوق ويباعـي
يخطي البنادم خطاء يضيق بـه بـره=مير الخطاء مايجي من واحد واعـي
يـادرة فاالبحـر تسـوى ميـة درة=ماعقبك الا تعب وافلاس واضياعـي
قالت عن اذنك بروح البيت مضطـرة=اكبر عيالي مريض وقلبه اصناعـي