أبي من هو عطاك الحق تحرمني من النسيان .؟
وأنا من عادتي لامن نويت انسى قدرت انسى،،
أثر بعض الغلا لازاد عن حده يصير إدمان .!
مثل ما أعمى غلا (صخر) وفراقه أخته (الخنساء) ..
أنا ماودي أفارق عيونك وأرجع الخسران'
وأنا مالي بعد مرسى عيونك يالغلا مرسى .،.
علامك كل ماقربت لك خطوه تروح أوطان.؟
علامك كل مالينت لك راسي تصير اقسى..!
علامك كل ماغنيت لك ياطائر الأشجان،،،
تطير ولاتوقع لك على غصن ولاترسى. .
صباح الطيب يا احلى طيب شفته في شكل إنسان ،،
صباح الملح ياملح الوجيه الناعمه الملساء..
.
معك بالذات كن الله حرمني نعمة النسيان،،
أقول إني قدرت انسى وأنا ماااااالي أمل انسى..!!!