الجرح في معلوق قلبي صطابــي...ليت اللذي صاب المعاليق صــابك
انته مريّح خــاطرك في غيابــي...وانا مكــدّر خــاطري في غـيـابك
ابـي تقدّرني وتحســب حسابــي...يوم إنّي اقدّرك واحـسب حســابك
كــنّك بما ســوّيت تبغي عذابــي...وانا اتحاشــى ما يســبّب عــذابك
احاول اسكت واتمالك اعصابي...وانته عقب ما صار ثارت اعصابك
واتقــول لي (انته تزيد اكتئابي)...وانا ما اذكــر يوم زدت اكــتئابك
ابشّــرك برتاح واصك بابــي...وابشر بشخصن سـالي(ن) ما درى بك
ومـن حــبكم عزّل وحرّم وتابــي...وحلف ما يرجع لك ولا يطق بابك
ولا عــاد يسمع منك كلمه عتابـي...ياللي غرورك في المهالك هوا بك
كـانك تبي ردي وتبغي جوابـي...شف وش سواتك قبل ما اسمع عتابك