,
كرهت الشعر يوم ( كثرو الشعّار )
..................................... وانا الشاعر إلي يبدع الشعر ويحبّه ,
عسى الله يرحم حالته و القلوب تغار
..................................... على نظمٍ ( قلال البصيره ) تلاعبّه ,
انا لو رصيدي , بيت واحد من الأشعار ؟
..................................... غدى من عيون الشعر .. والناس تعجبّه ,
هذا الشاعر المجرم , وهذا الشاعر المغوار
..................................... ماخلوّ لـ ( أبو العتاهيه ) , بالشعر قبّه !
يقولون لي : وش فيك ؟ تضحك ودمّعك حار !
..................................... وانا أقول : مبطي .. وضحكتي ( مالها سبّه ) ,
عليك البرا .. سويتها ! يازمن غدّار
..................................... وخليتني بين العرب ( حكي , ومسبّه )
سلآمي على ( قيس الملوّح ) سلام أحرار !
..................................... على إبداعه .. اللي لايوصّف ولا يشبّه ,
وقد يجمع الله ( الشتيتين ) بالأقدار !
..................................... وهم .. ماهقوا ( ريح التلاقي ) لها هبّه ,
لعب في فوادي ( صويحبي ) مثل لعب الطار
..................................... إليا فرح يشمّل به , ولا ضاق يجنّب به !
خفوقي .. مثل طيرٍ جريح بيديه إحتار ؟
..................................... وهو مثل طفلٍ .. في يده طير ويلعبّه ,
( ف ) لا الطير مطلوقٍ جناحه , ولاهو طار ؟
..................................... ولا الطفل ( يفهم ) علّه الطير ؟ ويكبّه !!
الا ليت لي قلبٍ محرّر ولا له دار
..................................... او ان لي خليلٍ بـ الهوى ( يخاف من ربّه )
لو ان لـ الصدور قبور ؟ مافضحت الاسرار
..................................... مع ان البحر .. له سرٍ , مكتوم في غبّه !
لو المطرقه ( تحس ) في علّه المسمار ؟
..................................... ماحس الجدار .. إلي المسامير في لبّه !
أبوصيك ياخالد وصيّه ؟ وهي ( تذكار )
..................................... نصيحه ؟ من ( صروف الليالي ) تغيّبه
تخيّر رفيقك .. والرفاقه ؟ لها معيار
..................................... ولا تقول أربّه .. مثل ما أظنّه ( أربّه ) ؟
ياما تنزّل المقدار ؟ أو ترفع ( المقدار )
..................................... لكن ؟ خوّه الطيب .. ( دوا ) من يبي طبّه !
( سقى الله ) يومني صغيّر / وحولي صغار ,
..................................... ولا همّنا ألا .. نبني الطين ؟ ونذبّـه ,
كبرنا وعشنا لين شفنا همومنا ( كبار ) !
..................................... وكلٍ معه ( همّه ) .. يطفيه و يشبّه !
أردد فِ بالي بيتٍ لـ ( إبي فهد ) وأختار
..................................... معاني تجسّد .. قيمه البيت .. وتصبّه !
( كرهت الصقاره ) ! يومن كلٍ غدا صقّار !!
..................................... وانا من أول ( أشفق ) على الطير ؟ وأحبّه ,
سعود عبدالله بن مهدي العجمي