.
.
طول غيابك { وجف الدمع } من عيني
. . . . . وأنا على فرش موتي أعد ساعاتـي
إن كان { قصدك } من الفرقى تعنينـي
. . . . . تراي شفت العنا في كل الأوقاتـي
في غيبتك ما بقى شي{ن} يسلينـي
. . . . . ما غير أترجم لنجم سهيـل أهاتـي
أحكي وأسولف و { انا بي نار } تكويني
. . . . . وأتصنع الضحكه اللي تكسر سكاتي
وإن مر طيفك على { غفلة } تلاقينـي
. . . . . متشتت الذهن مشلولـه عباراتـي
أغيب { وارحل } واترك دنيتي ودينـي
. . . . . واطلع من الكون واهجرها مجراتـي
وأعيش في عالمن { محـدن } يحاكينـي
. . . . . ما غير أنا وطيفك اللي ما هجر ذاتي
وأبقى أسولف عن اللي { بينك } وبيني
. . . . . وأعيد ماضي حكاياك وحكاياتـي
