دام المفاخـر كلهـا وايلـيـه
لي الفخر لاقلت أنا بنت وايـل
ايه عنزيـه وافتخـر بعنزيـه
دام القرايب بين صايل وطايـل
العـز منهم لا كفخ دوم لـيـه
من عزهم نرقى سنود الجمايل
انا الجــــــوا بالعـز بنـت بدويـه
ما طالها رجلٍ عن الدرب مايل
ماني مثل ذيه الى قلـت ذيـه
ربي رفعني عن دروب الخمايـل
بنت على الطولات نفسي شقيه
من عز جدي دم الأفعال سايل
ماني من اللي يقبلـن بالرديـه
ولاني من اللي تختبي بالفشايل
بي يفتخر خيي إذا قيل خيه
دام الفخر يحشم جبين الحمايل
دام القصايد في يدي مزهريـه
وش له ارد القاف لاصار صايل
ياوجد روحي وجد فاقـد أبيـه
وهو صغيرٍ واجه الحـظ مايـل
أو وجد شيخ راحت أخته سبيه
وقلبه كسير وعــزرتـه الهوايـل
نادى بـصوته وانتخى وايليـه
وارتجت القيعان بأرماح وايل
نسى القرايب واعتزى بالسميه
يدري بأن العز لأهل الفعايـل
ويلان من ويلان ماهي عطيـه
أمجادنا غيمه تبل القبايل