[[ عسّاف خيل ]]

,






فده وعيونك , ماطلبت الا قليلٍ من كثير !
................................ كلي حلالك .. دام كفّك عند كفي ( جاسره ) ,


لكن انا محتاج ( وصلك ) ! لـن أبو قلبٍ فقير :
................................ يشوف كن أغصان صدره بـ الجفا ؟ ( متكاسره ) ,


حتى الضلوع الي لها ( هيبه ) وخفّاقٍ شطير ؟
................................ تجيك عوجٍ ضاميات ! من لحمها , حاسره


خايف .. يمرّ العيد ماشفتك ولا علّ النظير !
................................ واخاف اعوّد ؟ خاسرٍ عيدي ! وشوفك خاسره ,


ماعاد فيني حيل ؟ لا فارس .. ولا عندك أسير !
................................ غلبتني .. وانا ( شجاع ) ! , وتاسر إلي تاسره


من وين أجيب الصبر , ياقلّه ؟ ولا حولي شوير !
................................ والضيق سِلعه سوق ! وعروق الحشا ( سِماسره ) ,


تغيّرت الانفس .. وشحّ الصدق .. وإنكف البصير !
................................ هذا زمن عداوته ( جهر ) .. وغلاه , مساسره !