مره من المرات . . في ايام مابين الطفوله والمراهقه .. مرت عليكم المرحله هذي ؟ 
يعني تكون شايف نفسك ان صوتك تغير وتحس انك كبرت . . وربعك فيه اللي مثلك وفيه اللي لحد الآن صوته صوت بزر !
المهم . .
كنت راجع انا وواحد من خوياي من المدرسه نمشي . . قال لي . . سعد تحداني اضحك نفسي ؟
انا مصدوم . . قلت اتحداك !
قام الصبي قال ههه . . بعدين سكت . . بعدين زودها شوي وقال ههههههه . . بعدين قام يردد
هههه و هههه و هههه . . لين صارت تكبر الهههات وقام يضحك على الههه اللي قبلها !
شوي شوي . . الصبي انفجر من الضحك . . بعدها طاح على الارض من كثر ماضحك ودموعه تصب !
صدم امي اللي جابتني بدون سبب قليل الحياء كل الضحك ذا !!
بس استفدت منه درس من ذاك اليوم الين اليوم ما انساه . . .
انت الشخص الوحيد اللي تملك سعادة او تعاسة نفسك . . يمكنك الضحك في اسوء الاحوال . . حتى لو اضطريت انك تقلد صاحبنا وتضحك شوي شوي لين تضحك على ضحكتك ! يمكن فيه بعض الناس يتحكمون في امورك . . في شخصياتك . . حتى توصل بعض الناس انه يبي يتحكم في حياتك . .
لكن لا توصل انك تخلي احد يتحكم في مشاعرك !