.
.
الليل والطرقه { وفرقى الحبايب }
...... ثلاث [ تنحت فـ الصدر ] حزن وجروح
الليل يضوي بـ { الشقى } والمصايب
...... والقلب يسري بـ العنا [ وكثرة البوح ]
أحاول { أخفي عبرتي } بـ الطلايب
...... والحزن عاده فـ الحشى [ يحرق الروح ]
والطرقه { اللي ذكرتني } بـ غايب
...... بـ [ أصبر عليها ] يمكن الضيقه تروح
قد لي { ثمان شهور } والحظ خايب
...... [ مالي مفر ] من الحزن وين بـ آروح
وفرقى الحبايب مر { والمر ذايب }
...... في كبدي اللي [ دمها سال ] مسفوح
أقفى { عديل الروح } والوقت سايب
...... [ وأقفت ظنوني ] مالها فيه مصلوح