مازال مسلسل الارق مستمر القهوه ماعاد شربناها الزقاير خففنا منها حتى مكان النووم غيرته الشي الوحيد اللي استفدته من الارق اني صرت اول واحد يروح للمسجد لصلاه الفجر يوم قلت لاخي ذالسالفه قال يمكنك بتمووت وربي يبي يغفر ذنووبك طيب وان مامت اقعد على ذالحاله يعني على طاري الاخوان الكبار طبعا لان الصغار ما اعترف فيهم اعتبرهم عاله على البيت يكون لهم شأن كبير في تبلور شخصيه الي اصغر منهم (ترى كلام كبير الي قلته ) يعني من باب الذوق ترفع حواجبك وتقوسها وانت تقراها كأن أحد موريك مفاجأه حلوه انا الي تعلمته من اخواني الكبار يوم كنت صغير طبعا ان الشنطه السمسونايت اللي في كبتاتهم فيها صور خوياتهم ورسايلهم وكنت كل ماشفت غرفه احد منهم مفتووحه عاد غرفهم ماتنفتح الا نادرا طبعا يعني بالشهر مره تلقاها فاتحه افتح الشنطه واقلب الصور واقول متى اكبر ويصير عندي شنطه مثلهم اذن المذن التكمله يمكن عقب الصلاه