,
بعض الخطا ما له عذر ..
في ذمتي بعض الجروح من احبابنا ما تنغفر ...
ويطوي العمر لامنه حضر يعتذر ويلوح انه حضر
ونبدا من جديد ...الخ ..
يا قوها لامن فرى الصدر ثم عود يعتذر ....
....
أقبـل يلـوّح بالخيـار اللـي أمـرّ مـن الغيـاب
ويفـلّ كـفٍ مـن شحـوح الوقـت مافيهـا رجـا
أقبل يماري بالسنيـن الموحشـة وارض الخـراب
ويطش في وجهـي ثمانيـن الـف عـذر ومانجـا
ماطاب جرحه من سنين ولو كذبـت وقلـت طـاب
أحـس فـي خنجـره كنـه تـوّه بصـدري لجـا
سترتـه اعـن اعيـون عذالـي برثّـات الثـيـاب
وشافـوه فـي رمشـي مادونـه لاستـار ولاحجـا
واليوم جاني يحسب إن اللي مضـى مالـه حسـاب
ماهمّـه إلا كيـف ياسـع عـذره حـروف الهجـا
ماعاش وحشة ليلـةٍ ظلمـا علـى صـوت الذيـاب
وماحـس فـي قلـبٍ وحيـد لغيـر ربـه مالتجـا
اليوم عوّد فارس احلامـي علـى صهـوة عتـاب
وحْصـان عشقـه فـي مقابيـل الليالـي مسرجـا
يظن ابنسى ؟ كيف ابنسى ؟ ويش جابه ؟ ويش جاب؟
وش يطوي الغربه مـع الليـل الطويـل ليـا سجـا
هو مادرا إن القلب من جوره كبر ليـن إن شـاب؟!
وفي ذمتي ما أنسى طعونه لو مشت سلمـى وأجـا
.