[فالح بن مشوط]

رديه بين ( بشار الأسد ) و ( معمر القذافي )

بشـار الأسد :
سـلام يا معمر ابو سيف الأسلام ..
رايك سديد وفوق هذا شجاعه ..
حنا ابتلينا بالدعاية والأعلام ..
واللي جرى بالدار كذب واشاعه ..
بغيت منك الراي في ديرة الشام ..
ابسمعك واقول سمع(ن) وطاعه ..


معمر القذافي :

يا مرحبا والحر لا من جزع حام ..
عقب الوطى يرقى براس الرفاعه ..
الي مثل بشار ماهوب ينظام ..
لاصار له بالدار ربع وجماعه ..
اكرب على شعبك وخابرك مقدام ..
من لا رضى بالبعث اكسر نخاعه ..

بشار الأسد :
الشعب ثاير والعرب صارت اقسام ..
وصاحبك فيه الكون ضاق اتساعه ..
البعث يا ابن الناس ما فاد صدام ..
باعوه حزبه مثل بيع البضاعه ..
صارت نهاية قصته حكم الأعدام ..
عقب الفخر والعز يحجب شعاعه ..

معمر القذافي :
الحظ يا بشار لاطاح ما قام ..
يا ابن الاسد كلن يفكه ذراعه ..
والله لحاربهم على طول الأيام ..
انا على الثوار عندي مناعه ..
قدام يا جرذان والحرب قدام ..
أما صلاح الدار والا ضياعه ..