[قلبي معاهم]

يامحلا شوف اريش العين ياخال
شوفه ولاشوف الوجيه القبيحه
الجادل اللي شوفها يشرح البال
شوفه دوا كل القلوب الجريحه
ابو الثمان اللي كما بارق خيال
حبات لولو والسوالف مليحه
وعيونها اللي رمشها فيء وظلال
هي غاية اللي حالته مستريحه
والحجه اللي كانها رسمة هلال
زودن على ذلك ياعالم مديحه
ياحظ من معها تقهوى بفنجال
فنجالها يجذبك من زين ريحه
والله لاتسير على البيت فالحال
نذرن علي لاقوم اسوي ذبيحه