[شي شي،]

http://www.souqaldoha.com/vb/uploaded/2_01305297916.mp3




وااا كبدي الي جور ذا لوقت كلها
.... واااا قلبي الي حب من راح كاويه


وااا عيني الي من فراقه كحلها
.... ماهوب موت الناس موت ن يضاهيه


وااا نفسي الي عن هواها عزلها
.... الحظ لقشر وأم هذاك وابيه


أيام وصله والهنا ماعجلها
.... عزي لمن مثلي زمانه معاديه


أحبها من صغرها تو أهلها
.... وكبرت ونضج الحب والي محاضيه


وفارقتها قد راسها لمعقلها
.... وحجابها قدها الى جيت تضفيه


بعض الحكي ماقالته من خجلها
.... ومنها نعم تسوا ثلاثين لبيه


كانت بكفي والبلا ان ذاك أكلها
.... لاهو يدانيني ولا هي تدانيه


قالو بتنساها وتلقا بدلها
.... وأقول أنا مع صفقت الكف يويه

ضاع الأمل فيها وهي ضاع أملها
.... والوقت ياخذ كل من خاطري فيه

أحزان عمري والله إني جملها
.... وراسي ترده من شفوفه مبدايه

وحظي إلا مالت علي ما عدلها
.... وكفي إلا مديتها قصرت يديه

ياليتني عن حبه أسج ولهـا
.... وإني إلى سجيت محدن يطريه


.
.

لـ عبدالله بن فطيس