قصيدة الجبيل
ياليل ضاق الصدر ياليل ياليل
وانا اعرف العله وهين دواها
من كم يوم وضحكتي كنها الخيل
لاجابت الاول وكلن وراها
لكن جيت وفرحتي هي "الجبيل"
مدينة"ن" ربي بحسنه كساها
مالي بها خل"ن" ولكن بالحيل
لقيت نفسي هايمه في ثراها
رمانة الدنيا ومعشوقة السيل
حوريه يغار الزهر من حلاها
فيها الكرم يغني عن القال والقيل
وكن المحبه نازله من سماها
وفيا يفوح الطيب ويشمه الهيل
وتجيب عطر الود نسمة هواها
هي شي يعجز يوصفه اي تحليل
وصعبه حروف الشعر توصل مداها
لقيت لي فيها مسامر وتعليل
ولقيت قلبي مايدور سواها
ولقيت روحي بالمحبه لها تميل
ونفسي تقول الله وهبني غلاها
لكن بأرجع لاجل خاطرك "ياجبيل"
مدامت جروحي تشوفك دواها