[خالد بن جفن]

أتمنى تنال أعجابكم

ليلي طويلٍ ضايعٍ فيه ممشاي = كنيّ الضرير اللي تقوده عصاته
متسربلن بشت الحزن هجسِ أبكاي = يسمع نحيبي عاشقٍ في اخطاته
من سبة اللي دايم الدوم جفاي = اللي جفا صدق المشاعر فذاته
منهو سلب قلبي وياليت برضاي = أحكم حروف العشق سحره شَفَاته
مدمي حروفٍ بالغلا ليش يمناي = ياللي تعرف الحقّ هذي سواته
أسرجت له من شوقها نبضِ معناي = أبيات شعرٍ أعلنت لي وفاته
غلفتها باحساس قلبي وبغناي = صدق المشاعر بين خذها وهاته
ياما عطيته من مواثيقِ هقواي = أنّ العهد باقي وهو من وصاته
مير البلا لا صار هو دايّ برداي = واصبحت ناقلْ جرح قلبي عماته
أخير لنا أفراقهم بسّ بلواي = ما يستطيع القلب فرقى حياته

جريدة الراي 22/05/2011